الاثنين، أغسطس 08، 2005

*من قبيل اللت والعجن

well..
أنا جاية هنا أعمل ايه..؟_
أبدًا جاية..أرغي شويه،وأكتب لأول مرة بالعامية.._
ده يعتبر حدَث يعني؟_
مش بالضبط..هي المسألة ان العامية..ماكنتش باستخدمها،إلا في البيت مع الاسرة..والاصدقاء الحميمين،حتى في فترة الطفولة اللي كانت بره في دولة عربية..ماكنتش ابدًا باتكلم مصري الا مع المصريين،والموضوع بيبقى طبيعي جدا..فاكرة اوي لما كنت ماشية مع سناء ووفاء واحنا راجعين من المدرسةواترجوني اتكلم مصري..اتكسفت اوي،وسكت خالص،حاولت ..ماعرفتش،ومارضوش يحرجوني
..
..ماكنتش لوقت قريب باعترف بحاجة اسمها شعر عامي..لاني كنت باعتبر العامي زي هدوم البيت كده ماينفعش نقابل بيها الناس..ولا نروح بيها حفلة مثلا..فالشعر أو الكتابة عمومًا..لازم تبقى فصحى.. واول شخبطاتي كانت بالفصحى..حتى الحواديت اللي كنت باسمعها من الشرايط..أو اقراها في كتب الحواديت وانا صغيرة لما ماما تسيني لوحدي في البيت،وتروح الشغل،كانت بالفصحى..
طيب خلاص ياستو..هتكتبي ملحمة شعرية في (لماذا أكتب بالعامية؟)ولا ايه؟_
لا كنت بس باقول يعني.._
ـــــــــــــــــــــــــــــــــــــــــــــــــــــــ
قال المُريدُ للمعلم:علمني اللت والعجن
قال المعلم:ياا بُني..اللي تقوله تعيده..واللي تعيده تزيده
...
ــــــــــــــــــــــــــــــــــــــــــــــــــــــ
يعني هي تجربة؟_
ايوه_
مدتها قد ايه؟_
اسبوع ممكن_
ــــــــــــــــــــــــــــــــــــــــــــــــــــــ
كلمة تقال ايضًا أثناء خبيز الفلاحة(والخبيز،هو عملية صنع الخبز)وشكرا=(*)

هناك 3 تعليقات:

littilemo يقول...

والله زى العسل

انا كنت زيك تمام

أحمد يقول...

و اتدلع با رشيد على وش المياه

غير معرف يقول...

your blog is quite nice I wish you visit mine and invite your friends to do so

http://tornado75.blogspot.com