الاثنين، ديسمبر 05، 2005

ماتبقى من الدهشة

أمر غريب..
كلُّ شئٍ يبدو كأنه حدثَ من قبل..
حتى أنني أُصبتُ بالدهشة لما وجدتُ ان تدوينتي السابقة وهي نوعٌ من البلا بلا.. بالجمل الحمراءِ فيها..مألوفةً تمامًا،حتى أنني أكادُ أقسم أنني أعيش يومًا ماضيًا..
هذا الشعور يقتحمني منذُ مدة..لكنه زادَ عن المعدّل،فاستحقَّ التسجيل..
هل مِت؟
بقية الدهشة تشعرني بالبرودة..
!

هناك 8 تعليقات:

Solo يقول...

ياااه يا بنتى
نادر لما أقرا عن شعور بالوحدة زى اللى قريته عندك
يمكن مش قصدك شعور الوحدة بس انا شفته كده

Mist يقول...

هو شعور بالموات ياسولو..ممكن لأني كنت بأحس بالحياة مع الدهشة..
بمعنى اللي بيضيف للواحد ويحسسه بأنه حي،هو التجديد،أو الاضافة..
اما هنا مافيش خالص..
كل شئ عااااااادي..وحصل امبارح..مجرد الايام بتكرر نفسها،وفعلا كل حاجة جديدة بأعملها أو بأشوفها..حاسة إني عشتها قبل كده..

زي الميتين اللي بيتجولوا في الطرقات،ويسكنوا في جسد حد،ويعيشوا حياة تانية.لو في حاجة اسمها كده يعني..

mindonna يقول...

هو مش عارفة حروف الكلمة دي بس هي ظاهرة
de ja vous
هي بتتكتب كده ؟
ممكن يكون ده اللي بتحسي بيه ، انك شفتي المواقف دي قبل كده
هي بتحصلي أحيانا بس هي فلاشات خاطفة كده و خلاص

بس لو كنتي حسة بالإحساس ده باستمرار يبقي ده امتدادات الملل و الإكتئاب يا سديم
حاولي تخرجي منها ،و لاوني ملاقتش انا كمان حل ليها
:(

ka3'eem يقول...

اعتقد انه الملل و عدم التجديد ..الحجر الثابت الجامد بتنموا عليه الطحالب و احنا بقينا متربين من الروتين...سافري يومين غيري جو في اي حتة .شوفي هواية جديدة...روحي سينما...اخرجي مع صحباتك...اكيد فيه حل
:)
علي فكرة دا ملوش علاقة بظاهرة شوهد من قبل الشهيرة او deja vu

Mist يقول...

فعلاً المسألة عايزة تجديد دماء،وتغيير جلد..وحاجات كبيرة كده..

بس الكويس..إن أكيد هاخرج منها إن شاء الله..

إنني مصرّة يعني

R يقول...

١) هل قدتِ أن تشكّل عناوين تدويناتك شكلَ مثلث مقلوب (أو شجرة كريسماس مقلوبة)-انظري القائمة الجانبيّة:
Previous posts:
ـ
* يابخت من ضحكني..وسط الهم
* ماتبقى من الدهشة
* الكثير من الرغي
* ساعة وداعـ:)ـة
* سطوة الرمز
* فن متدين!
* مُنمنمَات..
* رُسيلات
* حي
* ..
ـ

٢) منذ فترة أوّد أن أدعوكِ لكتابة سطروايات لكنّني لا أجد عنواناً بريديّاً لتوجيه الدعوة.
ـ

Mist يقول...

1)هو الصراحة جت كده ياسلام على روقاني لو كنت قاصدة..أبقى دماغ فعلاً
:))
كل سنة وأنتَ طيب يارامي..

2)شرف الدعوة كبير لي الحقيقة..
الميل drop_of_wisdom (at)yahoo.com

R يقول...

الدعوة اتبعتت منذ أسبوع، مستنية إيه؟