الاثنين، فبراير 05، 2007

Art Smoke


.. في احدى المدونات المختصة بالتصوير،وجدت هذه الصور للدخان
كيف يتم حبس الدخان في صورة،وكيف يتم التصوير بشكل فني؟
: كل هذا يعتمد على نقاط جراهام الذي وضحها هنا،والذي يقول
"never mind your health, think of thephotos!"

حسب ما فهمته،فالدخان الرمادي (غالبًا الصادر من حرق أعواد البخور)هو أسهل ما يمكن أن يُحبَس كصور،وهناك نوع معين صيني أشار إليه،الألوان يتم تشكيلها بالإضاءة،والخلفية يُفَضّل أن تكون بلا نقوش،والتحكم أفضل مايمكن بالطبع في بيئة مغلقة كالاستوديو أو أي غرفة ربما
.
يمكنك الاستمتاع بالتجول في هذه المجموعة،لعدد كبير من المصورين.

عمومًا ..جراهام أفاض في شرحِهِ وكفى،وعني أكتفي بالاستمتاع بالصور،وأتذكرمحمد سامي الفنان العراقي،الذي استخدم في رسومه تكنيكًا معينًا يشبه ما تظهر به سحابات الدخان في صور جراهام.





هناك 9 تعليقات:

غير معرف يقول...

فكـّرتيني لمـّا كنت في اسكندرية آخـر مرة
الشقة اللي كنت قاعد فيهـا على البحـر .. كنت باشرب سجاير جنب الشباك كالعادة في يوم، الشيش كان موارب بشكل مـُعيـَّن والدنيـا كانت شمس مع شوية هواء داخلين من فـُرجة الشباك المفتوحة وبعض من أشعة الشمس تتسرَّب في خيط رفيـع .. كل ما أنفث دخان السيجارة يعمل أشكال عبقرية لا توصف في أشعة الشمس اللي بتوضـّحه وبعض الهواء اللي بيسحبه برفق للخارج .. حاولت أصوّرهـا بكاميرا الموبايل لكن جودة الكاميرا الزفت مع صعوبة اللقطة جعلت الأمر مـُستحيل ساعتهـا

Malek يقول...

اهلا شابورة
جميل عودتك للمدونة فقد افتقدنا كثيرا تدويناتك الفنية وكتابتك الرشيقة جدا

الوسيط الفني اي الذي يستخدمه الفنان جزء من الرسالة او المعنى في تصوري وفكرة استخدام الدخان كوسيط تشكيلي فكرة قديمة وترتبط اكثر بالسحر و الغموض او ما يسمى ايضا
mysticism
وكونه وسيط منتهي اي غير قابل للتثبيت يعطي الفنان المصور حرية ويفرض عليها ايضا شروط معينة
بمعنى انه تحدي مرعب لاي مصور وتشكيلي
ذوقك رائع يا شابورة
اسامة

Mist يقول...

أجمل الأشياء اللي بتظهر بتلقائية
حبسها في صور،نوع من الاختزان كاختزان القرش الأبيض لليوم الأسود!
--

د/أسامة
حمدالله على السلامة..ومراحب بيك دايمًا وأبدًا

ماكانش عندي فكرة قبل عن موضوع الوسيط المنتهي
بس هو فعلاً،تحدي جامد جدًا للفنان إنه يمسك صورة بالجمال ده..

كنت بأستغرب في الأول لما أسمع إن مصور بيقعد بالـ3 ساعات عشان يلتقط صورة معينة

طيب سؤال: لو في وسيط منتهي،ماذا عن الوسيط غير المنتهي؟
_يعني :زي ايه؟_

--

Malek يقول...

شابورة اسئلتك ذكية وبايخة وتحط الواحد في مواقف محرجة بجد
يعني تزنق الواحد فيالكورنر ولازم يقعد يفكر والفكر مرض
طبعا انا بهزر معاكي لحد مالاقي طريقة ارد بيها
المهم نتكلم جد شوية
الفن يا شابورة هو محاولة مستمرة من الانسان للامساك بالجمال و ايضا حبس الزمن اي اللحظة العابرة المارة التي لا يمكننا الا ان نعيشها و حين نحاول ان نلتقطها تفر من بين اصابعنا
في محاولة الانسان المستمرة للوصول الى قهر هذه اللحظة يبدء دائما في التعامل مع ماهو متسامي
ويبدء دائما في البحث عن وسائظ مستمرة
لوحات الفنانين البدائيين على جدران كهوف كرومانيون في فرنسا هي تعبير امثل عن ذلك
وصاحبك ابراهيم الكوني اتكلم عن لوحات مماثلة على كهوف الصحراء و غارات جبال الاطلس الجميلة
يعني ببساطة الانسان جزء من انسانيته هو بحثه الدؤوب عن وسيط يحتفظ له بالزمن
هذا البحث تطور فاصبح الاحتفاظ باللحظة يحتاج الى من يحتفظ به
(علم الترميم مثلا هو بحث عن المحافظة او استعادة اللحظة المسجونة وكذلك التحنيط)طبعا الزمن مرتبط بالموت يا شابورة
يعني موضوع متشابك
نرجع لحكاية الوسائط المستمرة
الحجر وسيط اكثر قدرة على تحدي الزمن والمعابد الفرعونية والاغريقية و الهندوسية وغيرها في كل مكان في الارض اكبر دليل على كده
ما بعد الحداثة تعيد الاعتبار للهشاشة و الغرائبية و الوسائط الالكترونية الجديدة اللي مكن العلم الانسان من الحصول عليها ايضا تتحدى الزمن و بالتالي تساعد على الامساك بوسائط هشة حقة ومتحولة وغير مستمرة
وده ياشابورة يفكرنا بتجربة اندي وورهول في اللوحة السنيمائية المتغيرة

مش بقولك اسئلتك غلسة ومعقدة اهه قعدت اكتب انا نص ساعة اجابة على سؤال كتبتيه في ثانية حضرتك
ومجاوبتش لسه
اعمل ايه ابطل ادخل مدونتك ؟؟
مقدرش
لانها حلوة ومفيدة فعلا
ازعل اتضايق ؟؟
طبعا لا
ماشي يا شابورة
ارجو ان الاجابة تكون معقولة
وحمد الله على سلامتك انت
اسامة

Mist يقول...

:))

متشكرة أوي أوي يا د/أسامة
الإجابة فعلاً معقولة..صدقت الغلاسة بتاعة السؤال لما قرأت الإجابة الطويلة

لكن أنا محظوظة فعلاً بالوجود الحلو ده

محمود عزت يقول...

جميل جدا!
أنا بقالي كتير عايز أشكرك و مش عارف
بجد والله :)

عجبني جدا الموضوع ده !

Ossama يقول...

الف شكر يا شابورة
ان الرد معقول
السؤال جميل ومش غلس يا شيخة
هو بس متعب
ليا بقى طلب عندك
ممكن تروحي مدونة اسامة وتشوفي ارشيف شهر يناير
حتلاقي تدوينة عنوانها مفاهيم الجمال رؤية اسلامية
ممكن تقولي لي رأيك في الموضوع
ولو عجبك ابعت لك نسخة من الكتاب
واعرف رأيك برضه
عشان مطلوب مني طبعة تانية وعايز اطور المفاهيم اللي طرحتها من عشر سنين

Mist يقول...

محمود عزت:

فرحت في الحقيقة لما لقيتك نورت البلوج،
أنا اللي بأشكرك جدًا

ويارب تبقى بخير دايمًا
-

Mist يقول...

د/أسامة..نحن في الخدمة
:)