السبت، أغسطس 13، 2005

ما قلّ ودلّ..أو لم يـ!ـدل


-عارفة ياسوسّة ده مين
- مين؟
- فنان كبير اسمه (فان جوخ)..عارفه ده بقى قطع ودنه لما حبيبته طلبتها
- ليه؟..هيَّ ماكانش عندها ودان
!
ــــــــــــــــــــــــــــــــــــــــــــــــــــــــــــــ

- من فين الصورة دي؟
- البي بي سي بتقول انها من سجن أبو غريب 
- هوّ الراجل اللي بيتفرج من الشباك ده..كان في السجن
- مش عارفة ..بس ماافتكرش..
- مش هو اللي شخبط يعني على الباب؟
- لا..ياحبيبتي..ده ماكانش بيشخبط..ده كان بيموت
ـــــــــــــــــــــــــــــــــــــــــــــــــــــــــــــ
من سكات..وجوه في الضلمة..باتقسم اتنين..وارفعه وأطخ رصاصة
بتخش جوه..وتتحول لحد ..الحد ده بيقوم شايل الصخرة اللي واقفه في نص الحلق..ويحوش الايد الساقعة أوي اللي بتعصر في القلب..
وكل مسمار مترمي هنا ،وهناك..بيلملمه بسرعة ..
ويقوم خارج من الناحية التانية..رصاصة من تاني
ـــــــــــــــــــــــــــــــــــــــــــــــــــــــــــــــ

- السلم ده..لفوق،ولا لتحت؟
- لتحت
- بص أنا شايفه النور فوق....يبقى لفوق
- بصراحة ..أنا باحب الضلمة
!

هناك 9 تعليقات:

Omar Mostafa يقول...

جميل جميل

أحمد يقول...

ايوه كدا
هو دا السديم الحقيقى
انت ليه مش حاته المدونة
في حلقة المدونات المصرية ؟؟
او في قهوة الحاج علاء و الست منال

Mist يقول...

عمر منور عندنا..
معقول الكلام ده ياولاد..
:))
شكرًا ياعمر(على فكرة عمر يبقى أخويا برضو)
ــــــــ
:)
لقيتها اتحطت في الشامل للمدونات..
ومش عارفة اضيفني في علاء ومنال..
بس..هي دي القصة

Eve يقول...

جميلة هذه الأفكار. عميقة في بساطتها. ما لحقنا نشبع منها ونريد المزيد :-)

Mist يقول...

شكرًا يا ايف..
وبجد بجد...خطوة عزيزة
:)

sydalany-وش مكرمش يقول...

جامدة طحن

لو تعرف تطلع شغل بالقوة دي علطول حتبقى مدون تقيل

mindonna يقول...

فظيييييييعة جباااارة
حلوة
تنفع مخرج أكيد !!

لـيـلـيـت يقول...

يا جماعة هى والله بنت
بالنيابة عن سديم بعد إذنها يعنى

Mist يقول...

طبعًا أأذن ياليليت..
سديم بنت ياجماعة
:))
بس منورين بجد