الخميس، ديسمبر 01، 2005

ساعة وداعـ:)ـة

ما أوّد فعله:
1_أتخرج من هذه الكلية بتقدير
2_أتم ما أردت حفظه
3_أتكلم وأكتب بالانجليزي بإجادة تامة
4_أتعلم عبري،وفارسي،وأسباني
5_أتعلم برامج التصميم،وأعمل لوحات فنية بيها
6_أشتغل في مجال التحاليل،أو زراعة الأجنة
7_أكتب كويس،بإيجاز وعمق أكتر
ـــــــــــــــــ
ما أستطيع فعله:
1_أفهم كويس نوعًا
2_أبتكر حاجات صغيرة لتوصيل المعلومة (لو صادف إني شرحت حاجة)
3_أتسكع في حواري النت لمدة 10 ساعات بلا ملل
4_أرغي كتير مع حد مرتاحة له جدًا..
5_أصمت كخشبة مع حد محتاج صمت،أو مش عارفة أتواصل معاه
6_أصلح خطأي قد ماأقدر،وأعترف بيه
7_أضحك وأفرفش لماأبقى موجوعة
ـــــــــــــــــــ
مالا أستطيع فعله:
1_أستسلم بسهولة
2_ألا أسامح
3_أصبر على ما أكره طويلاً
4_ألا أفصل الأمل عن الايجابية
5_ألا أضحك لو كنت فرحانة
6_أجاري ناس مش عارفة أندمج معاها أكتر من خمس دقايق
7_أحفظ من غير فهم،أو يكون الموضوع مش عارفة أتلكك له بحاجة عدلة
______
ما أقوله دائمًا:
1_خير/طيب/ okay
2_إن شاء الله/بإذن الله
3_فاهم/فاهمة
4_ياعمو/يابني/يابنتي/(في الكلام العادي)
5_ياوّلد/يارّاجل(في المشاكسة)
6_واخدة بالي من الحتة دي!(مشاكسة برضو)
7_(....)كلمة عاوزة أبطلها،مش حلوة تتقال..كل ماأتخض ،ولا أتغاظ ،ولا أخاف أقوم أقولها
:)
___________
على الهامش كده:
شكرًا للطفك سولو_
أكتر بتاعة كان فيها كلام أكتر من السبع هما اللي عايزة أعملهم..وأقل واحدة هما اللي مش بأعرف أعملهم..يمكن عشان عندي ثقة في _
إن البني آدم يجي منه كتير..بس يشتغل،
برضو اللي بأعرف اعمله مش كتير..عشان مابأشتغلش.._
اختبار زي ده كنت واخداه جد أوي..أصله يشبه اختبارات البرمجة اللغوية وتطوير الشخصية والحاجات دي..بس المرة دي اخدتها لعبة.._
وكتبت زي مالكلام جه

هناك 6 تعليقات:

احمد فوزى يقول...

قاللى الوداع
هوه الوداع يتقال فيه ايه ؟

Solo يقول...

انا كمان أخدتها لعبة
شكرا ليكى انك لبيتى الندا

خجل يقول...

الرسمه حلوه

خجل يقول...

اقصد الصوره

Mist يقول...

لا هي رسمة فعلاً..لفنان أمريكي جميل أوي اسمه جيم وارين

:)

ahmed يقول...

عجبتني لحظة صدقك مع نفسك ودا اغلب الناس مفتقداة واستفدت منك كثيرا